يـا صانـع المكيـاج الله يجـازيـك
خليتني مخـدوع فـي شكـل خِلّـي


الله يحـرق مصنعـك مـع مبانيـك
والمعرض الموجـود في بيكاديلي


أدعي عسى تعمى وتنشـل رجليـك
هـذا دعائـي دوم لا جيـت أصلـي


خليتني أركـض ورا البنت هاذيـك
وأشوفها أجمل غـرام ٍ حصـل لـي


قلبي عشقها يا(جيفنشي) توماتيك
وأن شافها قلبـي يرحـب يهلـي


هي رحبت بـي وقالـت الله يحييـك
وقالت هلا باللي عشق زيـن شكلـي


وقالت أنا أجمل بنت في اللي حواليك
شف حسني الأخاذ وروجي العسلّـي


طالعتها ثـم قلـت هالقلـب يبغيـك
ومن شاف حسنك خلى غيرك يولـّي


أبغي أشوفـك دون مكيـاج يكـسيـك
وأبغـي أشوفـك بالجمـال المحلـي


قالت تبينـي أفـرك الوجـه تفريـك
وأشيل هالبـودر وروجـي وكحلـي


قلت إي نعم قومي عسى الروح تفديك
أبغي جمالـك هالطبيعـي يهـلّـي


قالت دقايق راجعـه لـك وأراويـك
ذاك الجمـال اللـي لعينـك يسـلّـي


ويوم رجعت لي شربكتني الشرابيـك
وحسيت الأرض تدور وأنـا بمحلـي


الخد جنه يا(جيفنشـي) سيراميـك
والوجه شارع مثـل شـارع بحولـي


الوجـه جنـه بيـت كلـه شبابيـك
من هالحفر في وجهها اللـي يعلّـي


كلـه سبـب مكياجـك الله يجازيـك
خليتني مخـدوع فـي شكـل خلـي


ونصيحتي لكل شاب من غير تشكيك
لا لا تتسـرع ثـم تنغـش مثـلـي


اللـي بـلا مكيـاج خلهـا حواليـك
واللـي تحـط مكيـاج خلهـا تولـي




و سلامتكم

طبعاً م ق

http://img149.imageshack.us/img149/5669/481140119758hh5.gif


فعلا احيانا المكياج يسوي مشاااكل هههههه



°ˆ~*¤®§(*§بٌـــنْ عًـــمًوٍرٍ§*)§®¤*~ˆ°

http://img149.imageshack.us/img149/5669/481140119758hh5.gif


فعلا احيانا المكياج يسوي مشاااكل هههههه



°ˆ~*¤®§(*§بٌـــنْ عًـــمًوٍرٍ§*)§®¤*~ˆ°



والله يعين اخوووووووي من الي ينخدع بالمكياج

وعاد حاسب انت:36_1_61:

تراه من برى هالله هالله ومن داخل يعلم الله

والله المكياج سوالف واجد سوى

والله يعينكم يا الشباب

تراه من برى هالله هالله ومن داخل يعلم الله

والله المكياج سوالف واجد سوى

والله يعينكم يا الشباب


هيه صدقتي

والمكياج مسوي بلاوي في الناس

http://www.al7ob3.com/vb/imgcache/12349.imgcache.gif

http://www.al7ob3.com/vb/imgcache/12349.imgcache.gif

يعافيك ربي اخي

وشكرا لك وللرد هنا